Yeni Kaledoniya Konqresinin yeni seçilmiş prezidenti Veylma Falaeo sələfi Roş Vamitanın Azərbaycanla əməkdaşlıq haqqında imzaladığı sazişi birtərəfli qaydada ləğv etdiyini açıqlayıb. Yerli mətbuat sazişin Yeni Kaledoniyanın Fransadan müstəqil olmasını dəstəkləməyə yönəldiyini bildirmişdi.
Oktyabrın 21 və 22-də yağışlar nəticəsində Bakı şəhərinin bir çox hissəsini su basıb. Yaranan böyük gölməçələr vətəndaşların və avtomobillərin hərəkətinə əngəl yaradıb. Sakinlər problemin kanalizasiya sisteminin işləməməsi ilə əlaqəli olduğunu deyirlər.
Bir sıra ekspertlər hər iki ölkədəki seçkiləri Qərblə Rusiya arasında ediləcək seçim adlandırırlar.
Ukrayna prezidenti Volodimir Zelenski iddia edib ki, rəsmi Pxenyan Rusiyanın Ukraynada təcavüzkar müharibəsini dəstəkləmək üçün əsgər və silah göndərib.
Oktyabrın 18-i Azərbaycanda Müstəqilliyin Bərpası Günüdür. 2022-ci ilə qədər bu bayram ölkədə Dövlət Müstəqilliyi Günü olaraq qeyd edilib. Bu tarixdən etibarən 28 May - Respublika Gününün adı Müstəqillik Günü ilə əvəz olunub.
Azərbaycanda "Halal" sertifikatı veriləcək. Beynəlxalq akkreditasiya standartları səviyyəsində olacağı iddia edilən "Halal" sertifikatı vermək hüququnu Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTANDART) əldə edib.
Milli Məclisdə tütün məmulatlarının, məişət tullantılarının ətraf mühitə atılmasına görə cərimənin məbləğinin artırılması müzakirə edilir. Dəyişiklik təsdiqlənərsə, cərimənin məbləği 50 manatdan 300 manata qaldırılacaq.
Oktyabrın 8-də "Human Rights Watch" və "Freedom Now" insan haqları təşkilatları yaydıqları birgə hesabatda Azərbaycanda hökumətin tənqidçilərinə, müstəqil qruplara və mediaya qarşı kinli hücum aparıldığını yazıblar.
Milli Məclisin 43 deputatı oktyabrın 5-də Azərbaycan xarici işlər naziri Ceyhun Bayramova müraciət edərək ABŞ ilə münasibətlərə yenidən baxılması və müdafiə sahəsində əməkdaşlığa dair sazişlərə xitam verilməsini istəyib.
Oktyabrın 7-də Rusiya prezidenti Vladimir Putinin doğum günüdür. Kreml Putinin bu doğum gününü MDB dövlət başçıları ilə birgə keçirəcəyini açıqlayıb. Putin, Beynəlxalq Cinayət Məhkəməsinin qərarına əsasən, Ukrayna müharibəsinə görə beynəlxalq axtarışa verilib və haqqında həbs qərarı çıxarılıb.
Rusiya Xarici Kəşfiyyat Xidmətinin (SVR) direktoru Sergey Narışkin oktyabrın 2-3-də Bakıda səfərdə olub.
Oktyabrın 1-də İran İsrailə 200-ə yaxın raketlə zərbə endirib. Rəsmi Tehran bu addımını İsrailin HƏMAS və "Hizbullah" liderlərini öldürməsinə cavab kimi atdığını bildirib. İsrail isə İranın bu addımına ən sərt formada cavab verəcəyini bildirib.
Davamı
